ئەڤرۆ رۆژا ئێک شەمبی رێڪەفتی ۲۰۲٥/۹/۱٤ ب سەرپەرشتیا “پ.د.منهل الهام عبدال” سەرۆکێ زانکۆیا ئاکرێ، ب ئامادەبونا ئەندامێت جڤاتا زانکۆیێ ئێکەمین ڪومبۆنا جڤاتا زانڪۆیا ئاڪرێ بۆ ساڵا نو یا خواندنا (۲۰۲٦/۲۰۲٥) ل سەرۆکاتیا زانکۆیێ هاتە ئەنجام دان

دەستپێکا کومبونێ سەرۆکێ زانکۆیێ بەحس ل رێنمایی و پێگیریکرنا دەواما فەرمی یا مامۆستا و فەرمانبەر و قوتابیان بۆ ساڵا نو یا خواندنێ کر، و لدویڤ دا تەکەز لسەر بەرهەڤیێن دەستپێکا ساڵا نو یا خواندنێ کر

ژ ڵایەکێ دیڤە هاریڪارێن سەرۆکێ زانڪۆیێ و راگرێن ڪولیژ و پەیمانگەها و نوینەرێ مامۆستایان بەحس ل گەلەک خاڵێن گردایی ب ساڵا نو یا خواندنێ و بەرهەڤیێن کارۆبارێن ( کارگیری و دارایێ و زانستی و دڵنیایی جوریی) و ئەنجام دانا ئێکەمین کونفرانسێ زانستی ب ناڤێ “زیرەکیا دەستکرد” و دووماهیک ئامادەکاری ل گێرانا گەرا ئێکێ یا ئاهەنگا دەرچوونا قوتابیێت زانکۆیا مە و گەلەک بابەتێن دی هاتنە گەنگەشەکرن

ل دیماهیێ هێژا سەرۆکێ زانکۆیێ دەستخۆشی ل ئامادەبوویان کر و هیڤی خواست ساڵا نو یا خواندنێ پێکول بهێنە دان ژ بۆ پێشڤەبرنا زانکۆیامە و سالەکا پر ژ دەستکەفتێن زانستی بنیت و داخوازا سەرکەفتن و بەردەوامیێ بۆ ئەندامێن جڤاتا زانکۆیا ئاکرێ خواست.

راگەهاندنا سەرۆکاتیا زانکۆیا ئاکرێ بۆ زانستێن کرداری – Akre University for Applied Sciences