لژێر چاڤدێریا زۆر بەرێز “د.ئارام محمد قادر” وەزیرێ خواندنا بڵند و ڤەکولینێن زانستی.
ئەڤرۆ روژا سێشەمبی رێکەفتی ۲۰۲٥/١٠/٧ ب ئامادەبونا وەزیرێ خواندنا بڵند و ڤەکولینێن زانستی و رێڤەبەرێن گشتی ل وەزارەتێ و سەرۆک زانکۆ و مامۆستا و هەژمارەکا ڤەکولەرێن وڵاتێن کودرستان و جیهانێ، کۆنفرانسێ نیڤدەولەتی یێ زانستی یێ ئێکێ ل ژێر درۆشمێ “کۆنفرانسێ ئێکێ یێ ژیرییا دەستکرد بۆ بەردەوامی ل وەڵاتێن تازە پێگەهشتی”(AISDW2025) ل زانکۆیا ئاکرێ بۆ زانستێن کرداڕێ هاتە گێران.

ل دەستپێکێ پەیڤا زانکۆیێن پشکدار ژ ڵایێ خانما هێژا “پ.د.ئاری عادل” سەرۆکا زانکۆیا پولیتەکنیکی دهوک هاتە خواندن و لدیڤ دا پەیڤا کونفرانسێ زانستی ژ ڵایێ “پ.د.کاوە شێروانی”سەرپەرشتێ کونفرانسی هاتە پێشکێشکرن.

هەژیی گوتنێ یە رێزدار “د.ئارام محمد قادر” وەزیرێ خواندنا بڵند و ڤەکولینێن زانستی پەیڤەک پێشکێشکرن، کو بەحس ل رۆلێ ئەنجام دانا کونفرانسێن زانستی کر و دەستخۆشی ل زانکۆیێن پشکدار و لیژنێن سەرپەرشتیار کر ل گێرانا کونفرانسێ زانستی.

هەر وەسا پەیڤا سەرپەرشتیارێ دڵنیایی جۆری ل وەزارەتا خواندنا بڵند ژ ڵایێ “د.محمد کەلاری” هاتە خواندن و لدیڤ دا لۆگۆیێ کونفرانسی ژ ڵایێ سەرۆک زانکۆیێن پشکدار وەک دیاری ب وەزیرێ خواندنا بڵند و ڤەکولینێن زانستی هاتە پەخشین و لۆگۆێەک ژ ڵایێ “پ.ھ.د.پەیمان رەمەزان “سەرۆکا زانکۆیا راپەرین ، وەک ریزگرتن ژ بەر رۆل و ماندیبونا سەرپەرشتیارێ کونفرانسی و لیژنێن ئادەکار ب بەرێز “پ.د.کاوە شێروانی ” هاتە پەخشین.

لدویماهیکێ وێنەیێ کونفرانسی ب بەرهەڤبونا هەمی ڤەکولەر و ئامادەبویان هاتە کێشان ، و پاشان بەردەوامی ب رونیشتنێن پێشکێشکرنا ڤەکولینان ل چەندین هولێن هاتینە دیاریکرن ل زانکۆیێ هاتنە دان .

بۆ زانین کونفرانسێ نیڤدەولەتیێ یێ زانستی بو دەمێ دوو رۆژان دێ بەردەوامیی هەبیت و لدویماهیکێ دەرئەنجامێت کونفرانسی دێ هێنە دیاریکرن و ڤەخواندن

راگەهاندنا سەرۆکاتیا زانکۆیا ئاکرێ بۆ زانستێن کرداری – Akre University for Applied Sciences