ئەڤرو ڕۆژا ئێک شەمبى ڕێکەفتى ۲۰۲٥/١٢/٨ ب سەرپەرشتیا “پ.د.منهڵ الهام عبدال” سەرۆکێ زانکویا ئاکرێ و ب ئامادەبونا هاریکارێن سەرۆکێ زانکۆیێ و ئەندامێن جڤاتا زانکۆیێ دووەم کومبۆن هاتە برێڤەبرن
ل دەستپێکێ هێژا سەرۆکێ زانکۆیێ پیرۆزباهی ل “م. عامر عبدالرحمن” کر وەک نوینەرێ مامۆستایان و ” زیرڤان ئەکرەم” وەک نوینەرێ قوتابیان هاتینە دان ، و رێز و سۆپاسی ئاراستەیی “د. هلگورد عزیز خان” کر کو د ماۆێ سالێن بوریی دا وەک نوینەرێ مامۆستایان خزمەت کری ، هەروەسا ب هەلکەفتا دەستڤەئينانا پلا زانستيا ( پروفيسۆر) پیروزباهی و رێز و سۆپاسی ئاراستەی مامۆستایێت هێژا کر :
- پ.د.رشاد كمال مصطفى، راگرێ کوليژا پەروەردە
- پ.د.ميكائيل رشيد علي
- پ.د.قاسم محمود محمد
- پ.د.باقر جواد شمس الدين
هەر وسا ژ ڵایێ “م. لوقمان سەعید” رێڤەبەرێ راگەهاندنا سەرۆکاتیا زانکۆیێ ( سرۆدا زانکۆیێ و رێبەرێ دەرچوونا گەرا ئێکێ یا قوتابیێت زانکۆیێ و جل و بەرگێن جڤاتا زانکۆیێ و مامۆستا و قوتابیان) وەک ناسنامێن زانکۆیێ تێنە زانین هاتنە نمایشکرن کو ب سەرپەرشتیا سەرۆکێ زانکۆیێ و راگەهاندنا زانکۆیێ هاتبوونە دروستکرن
ل دوویڤ دا سەرۆکێ زانکۆیێ بەحسی ل پێگیریکرنا دەواما فەرمی یا مامۆستا و فەرمانبەر و قوتابیان کر و تەکەز لسەر جێبجێکرنا ئەرکێن وانا کرن
ژ ڵایەکێ دیڤە هەرسێ هاریڪارێن سەرۆکێ زانڪۆیێ و راگرێن ڪولیژ و پەیمانگەها و نوینەرێ مامۆستایا و قوتابیان بەحس ل گەلەک خاڵێن گردایی ب کارۆبارێن زانستی و دڵنیایی جوریی و کارگێریی و دارایی و مامۆستا و قوتابیان کرن
ل دیماهیێ سەرۆکێ زانکۆیێ دەستخۆشی و داخوازا سەرکەفتن و بەردەوامیێ بو ئەندامێن جڤاتا زانکۆیا ئاکرێ و کارێن وانا خواست.
راگەهاندنا سەرۆکاتیا زانکۆیا ئاکرێ بۆ زانستێن کرداری – Akre University for Applied Sciences
