رێڤەبەریا بەشێن ناڤخویێ ل سەرۆکاتیا زانکۇیا ئاکرێ بۇ زانستێن کرداری دێ دەست ب کرێ گرتنا ئاڤاهیێن بەشێن ناڤخۆیێن قوتابیان ل هەردوو سنورێن (ئاکرێ ـ بردەرەش) بۆ سالا خواندنێ ٢٠٢٥-٢٠٢٦ کەت

زانکۆیا ئاکرێ سالانە چەندین ئاڤاهییان بکرێ دگریت پێخەمەت ئاکنجیکرنا قوتابیێن (کور و کچ) ل ئەوان دەڤەرێن کولیژا و پەیمانگەهێن زانکۆیێ لێ نیشتەجێ، و ژبو ئەڤێ مەرەمێ رێڤەبەریا بەشێن ناڤخویێ ل سەرۆکاتیا زانکۆیێ بۆ هەر خودان ئاڤاهییەک دڤێت ئاڤاهیێ خۆ بکرێ بدەتە زانکۆیێ بلا سەردانا رێڤەبەریا بەشێن ناڤخویی ل سەرۆکاتیا زانکۆیا ئاکرێ بکەت
#تێبینی : دوماهیک ژڤان بۆ پێشکێشکرنێ هەتا رێککەفتی 15/8/2025ێ یە.

مەرج و رێنمایێن سەرۆکاتیا زانکۆیا ئاکرێ / رێڤەبەریا بەشێن ناڤخۆیی بۆ کرێ گرتنا ئاڤاهیێن تایبەتێن ئاکنجیکرنا قوتابیان.

١-  سالوخەتێن ل خوارێ دیارکرى پێدڤیە د ئاڤاهی دا هەبن ئەوێ دێ ژلایێ زانکویێ ڤە هێنە بەرچاڤ وەرگرتن بەرى ئیمزا کرنا گرێبەستێ دگەل خودانێ ئاڤاهى:-
*  نەبوونا تانکێت غازێ لسەر بانێ ئاڤاهى و ل دەوروبەرێن ئاڤاهى.
*  نەبوونا بورجێن پەیوەندیان لسەر بانێ ئاڤاهى.
*  دوکانێن ئاڤاهیێ بکرێ دهێتە دان، نابیت بهێنە بکار ئینان بۆ کارێن ئاسنگەریێ و فرنێن نانى و دارتاشیێ و هەر کارەکێ ببیتە ئەگەرێ پەیداکرنا دەنگێن بلند.

٢-  خودانێ ئاڤاهى بەرپرسە ژ دابینکرنا ئەڤان پێدڤیێن ل خوارێ دیارکرى:-
*  ئاڤ و ماتورێ ئاڤێ و گێزەرێن سەرشویان.
*  کامێرێن چاڤدێریێ.
*نەهێلانا کێماسیێن بوورد و تورێن کارەبێ.
*  دماوێ کرێ گرتنا ئاڤاهى دا خودانێ ئاڤاهى دێ سەخبیرى و چارەسەرکرنا هەر کیماسیەکێ ب ستویێ خوڤە گریت ژ دەستپێکا سالا خواندنێ هەتا دوماهیکا سالا خواندنێ.
*  بوویاغکرنا ئاڤاهى و دانانا پەردێن پەنجەرێن هەمى ژورێن ئاڤاهى لسەر خودانێ ئاڤاهی یە.
*  پێدڤیە ئاڤاهى بەرى دەستپێکرنا سالا خواندنێ (١/٩/٢٠٢٥) یێ بەر هەڤ بیت بو ئاکنجیکرنا قوتابیان.
*  نابیت خودانێ ئاڤاهى راستەوخو مایتێکرنێ د کاروبارێن قوتابیان دا بکەت بو هەر سەرپێچیەکێ پێدڤیە رێڤەبەرێ بەشێ ناڤخویی ئاگەهدار بکەت.
*  خودانێ ئاڤاهی بەرپرسە ژ دابینکرنا ئامیرێن سەلامەتیێ وەک بتلێن ئاگرڤەمراندنێ و پایسکێن قورتالبونێ بۆ هەر ریدانکێ و مەرجێن بەرەڤانیا باژێرى، لدویف گریبەستێ.
* مەرجە پشتگیریەکا سەلامەتیێ ژلایێ رێڤەبەریا بەرگریا شارستانى ب دەست خوڤە بینیت دماوێ (١٠) روژان دا بهێنە چارەسەر کرن و بەروڤاژى وێ چەندێ گرێبەست دێ هێتە هەلوەشاندن
* کرێ یا ئاڤ و کارەبا میرى و مولیدەی یان هەر پارەکێ دى یێ میرى دی لسەر خودانێ ئاڤاهى بیت دماوێ ئەڤێ گرێبەستێ دا، و مەرجە (3) سێ ئەمپێرێن کارەبا مولیدەی بو هەر شوقەیەکێ دابین بکەت
*  پێدڤیە سەنەدا طابویا ئاڤاهى یا نوى کری بیت
*  ئەگەر خودانێ ئاڤاهى پێگیرى ب مەرجێن گرێبەستا دناڤبەرا وی/وێ و سەرۆکاتیا زانکۆیێ دا نەکر دێ ب کوژمێ (٣٠٠,٠٠٠) سێ سەد هزار دیناران هێتە سزادان بێى هوشداریەکا فەرمى و ئەگەر دووبارە پێگیرى نەهاتەکرن ب مەرجێن گرێبەستێ دێ سەرۆکاتیا زانکۆیێ ئەڤێ گریبەستێ ب تاک لایانانە هەلوەشینیت و بێی هوشدارى و بیى پیدڤى ب بریارەکا دادگەهێ هەبیت و بێی قەرەبووکرن.
*  کوژمێ (١,٠٠٠,٠٠٠) ئێک ملیون دینار وەک (تأمینات) ژ خودانێ ئاڤاهیان بۆ سالا خواندنێ دی هێتە وەرگرتن.
*  هەر ژ ئێکەم روژا ئاکنیجکرنا قوتابیان دێ گرێبەست هێتە هژمارتن نەکو ل روژا سەرەدانا لیژنا کرێکرنا ئاڤاهیان.
*  پێدڤیە سەنەدا طابویا ئاڤاهى یا نوى کری بیت.
*  ئەگەر خودانێ ئاڤاهى کەسەک کربیتە وەکیلێ خو داکو ب کاروبارێن گرێبەستا ئاڤاهى رابیت پێدڤیە وەکالە یا راستەخو بیت و یا نوى بیت.
*  پشتى پێکهاتنا هەر دوو لایەنان پێدڤیە خودانێ ئاڤاهى دماوێ ئێک هەیڤ دا مامەلێن خو رادەستى رێڤەبەریا یاسایى ل هەر کولیژ و پەیمانگەهەکێ بکەت ئەوا ئاڤاهى بکرێ گرتى.

رێڤەبەریا بەشێن ناڤخویی
سەرۆکاتیا زانکۆیا ئاکرێ بۇ زانستێن کرداری
٣/٨/٢٠٢٥