د چوارچوڤێ پەرەپێدانا پلانا ستراتیژی یا زانکۆیێن پۆلیتەکنیکی ژ بۆ بڵندکرنا ئاستێ خواندنا بڵند و داهێنانا شێوەیێ نوێی فێرکاری، زانکۆیا پۆلیتەکنیکی سلێمانی مێڤانداریا وۆرکشۆپی “ئاڵەنگاریێن بەردەم جێبەجێکرنا مەشق و ڕاهێنانێن قوتابیان ل پەیمانگەهێن تەکنیکی” کرد ، کو زانکۆیا ئاکرێ ژی ئێک ژ وان زانکۆیێن بەژداربوو
ئەف وۆرکشۆپە ب ئامادەبوونا سەرۆک زانکۆیان و هاریکارێن سەروکێ زانکۆیان و ڕاگرێن کۆلێژ و پەیمانگەهێن تەکنیکی برێڤەچوو
هەژیی گوتنێ یە : هەرسێ هاریکارێن سەرۆکێ زانکۆیا ئاکرێ بەرهەڤ و پشکداربون هەڕ ئێک ژ “پ.ھ.د.سمیر محو جمیل”هاریکارێ سەرۆکێ زانکۆیێ بۆ کارۆبارێن کارگیری و دارایی و “پ.ھ.د.نارین عبدالرحمن رشید”هاریکارا سەرۆکێ زانکۆیێ بۆ کارۆبارێن زانستی و خواندنا بڵند و “د.شاکر فتاح کاک”هاریکارێ سەرۆکێ زانکۆیێ بۆ کارۆبارێن قوتابیان و “م.بیار جمعه” رێڤەبەرێ زانستی یا زانکۆیێ
ئامانج ژ وۆرکشۆپێ پەخشکرنا زانیاریێن نوێ و شیان بەخشینا قوتابیان د بواری مەشق و ڕاهێنان بوو، هەروەسا بەردەستکرنا وان ئاڵنکاریان کو ل پەیمانگەهان ل دەمێ جێبەجێکرنا مەشقێ دا هەیە.
هەر وەسا د وۆرکشۆپێ دا، هژمارەیەک ژ رێڤەبەر و ئەندامێن لیژنا جێبەجێکرنا مەشقا هاڤینی یا زانکۆیان بەشداربوون
ب شێوەیەکێ گشتی، د ڤێ وۆرکشۆپێ دا گرنگیا پەیوەندیێن بەردەوام و ستراتیژیێن د ناڤبەرا زانکۆیان و کەرتی تایبەت دا هاتە بەحسکرن
ل دووماهیا وۆڕکشۆپێ دا، ژمارەیەک پێشنیار و چارەسەریێن زانستی هاتنە پێشکەشکرن ژ بۆ بهێزکرنا بنەمایێن مەشق و ڕاهێنان، ژ بۆ وێ چەندێ دا کو قوتابی ب شێوەیەکێ کارامەتر و باشتر ئاراستەی بازاڕی کاری بهنە کرن.
هەژیی گوتنێ یە تەوەر و بابەتێن گرێدایی ب ۆۆرکشوپێ ژ ڵایێ هاریکارێن سەرۆکێ زانکۆیا ئاکرێ هاتنە پێشکێشکرن
#راگەهاندنا سەرۆکاتیا زانکۆیا ئاکرێ بۆ زانستێن کرداری
