دەستەیا بلند یا متمانەبەخشینا کوردستانێ ل پەروەردێ (KAAE) سمینار و وۆرک شوپەک بۆ ستافێ زانکۆیا ئاکرێ پێشکێش کر

ئەڤرۆ رۆژا ئێک شەمبی رێکەفتی ۲۰۲٥/١١/٣٠ دەستەیا بلند یا متمانەبەخشینا کوردستانێ ل پەروەردێ (KAAE) ب هەڤکاری دگەل زانکۆیا ئاکرێ بۆ زانستێن کرداڕی، سمینار و وورک شوپەک ل دور ( ناساندنا متمانەبەخشینێ و ستاندارتێن وێ ) ب ئامادەبوونا “پ.د.منهل الهام عبداڵ” سەرۆکێ زانکۆیا ئاکرێ و “د.هونەر عیسی” سکرتێرێ گشتیێ دەستەیا متمانەبەخشینا کوردستانێ ل پەروەردێ و بحازربونا هاریکارێن سەرۆکێ زانکۆیێ و راگر و هارکارێن راگرا و سەرۆک بەش و مامۆستایێت زانکۆیا ئاکرێ ئەنجام دا

ل دەستپێکێ پەیڤا ب خێرهاتنێ ژ ڵایێ “د.نارین عبدالرحمن رشید” هاریکارا سەرۆکێ سەرۆکێ زانکۆیێ هاتە پێشکێکرن

ل دویڤدا سکرتێرێ گشتیێ دەستەیا متمانەبەخشینا کوردستانێ ل پەروەردێ
بەحس ل ئەرکێ سەرەکیێ دەستەیا متمانەبەخشینێ کر و دانانا ستانداردێن خواندنێ و دروستکرنا مێکانیزمەکی بۆ هەلسەنگاندنا وان پێڤەران کر، هەر وەسا دیارکر کو متمانەبەخشین: باوەرپێدانێ ددەتە پرۆگرامێن خواندنێ، هەم ل کەرتێ پەروەردێ و هەم ژی ل خواندنا بڵند، و ژ دەرڤەی وەزارەتێن پەروەردە و خواندنا بالا کار دکەت، لێ دگەل وان هەڤکاریێ دکەت ل سەر سیستەمێ دلنیاییێ یا جۆری.

ل دوماهیێ دیارکر : دڤێت ل پاشەرۆژێ نەک بتنێ ناڤەندێن ئەکادیمی یێن هەرێمێ، بەلکو یێن دەرڤەیێ وەڵاتی ژی پشت ب دەستەیێ ببەستن و ئینترناسیۆنالیزەکرن: ئارمانجا دەستەیێ ئەوە کو ناڤەندێن ئەکادیمی بهێنە نێڤدەولەتیکرن ل سالێن داهاتی

بۆ زانیین دامەزراندنا دەستەیا متمانەپێدانا کوردستانێ بۆ پەروەردێ (KAAE) پێنکاڤەکا مەزنە بەرەڤ بلندکرنا کوالیتی و ستانداردێن خواندنێ و جێهـگرتنا زانکۆیێن هەرێما کوردستانێ ل ئاستەکێ نێڤدەولەتی.

راگەهاندنا سەرۆکاتیا زانکۆیا ئاکرێ بۆ زانستێن کرداری – Akre University for Applied Sciences