ل ژێر دروشمێ “ساخلەمیا تە.. سەرمایێ تە” و وەک پشکەک ژ بەرپرسیارەتییا جڤاکی، رێڤەبەریا تەندروستی و سەلامەتی ب هەڤکاری دگەل پشکێن زانستی ل زانکۆیێ دەستپێشخەرییەکا ساخلەمی یا گشتگیر ڕاگەهاند.چالاکی ل ڕۆژا چوارشەمبی رێکەفتی (٢٠٢٥/١٢/٢) ب ئامادەبوونا بەڕێزان: هاریکارێ سەرۆکێ زانکۆیێ بۆ کارۆبارێن قوتابیان (پ.هـ.د. شاکر فتاح کاک) و رێڤەبەرێ رێڤەبەریا تەندروستی و سەلامەتی ل سەرۆکاتیا زانکۆیێ (م. فاروق عمر قاسم) هاتە برێڤەبرن.د ڤێ هەلمەتێ دا، تیمێن پسپۆر یێن زانکۆیێ رابوون ب ئەنجامدانا پشکنینێن (شەکرێ، پەستانا خوینێ/زەختێ، و دەستنیشانکرنا جۆرێ خوینێ) بێ بەرامبەر، و ئەڤ جهە ل سەنتەرێ قەزایا ئاکرێ ڤەگرتن:📍 کۆلیژا پەروەردە – ئاکرێ📍 پەیمانگەها تەکنیکی ئاکرێ📍 قوتابخانەیا ئالەیێ بنەرەت📍 قوتابخانەیا ئازادی یا کچان📍 قوتابخانەیا بارزانی یا کوڕان📍 دوریانا کانی مام کروک (ناڤ بازار)📍 کۆمەلگەها ئازادی (سەرێ مجمع)📍 بازارێ کەڤنێ ئاکرێ (بەردەرێ قشلێ)ئارمانجا سەرەکی یا ڤێ دەستپێشخەریێ، هشیارکرنا جڤاکی یە، ئاشکراکرنا پێشوەخت یا نەخۆشیان، و پێشکێشکرنا خزمەتگوزاریێن ساخلەمی یە بۆ تەخ و چینێن جودا یێن دەڤەرێ.ساخلەمیا هەوە، ئەرکێ مە یە.
