ئەڤرۆ رۆژا دووشەمبی رێکەفتی ۲۰۲٥/١٢/۱٥، “پ.د.منهل الهام عبدال”، سەرۆکێ زانکۆیا ئاکرێ، و “پ.ھ.د.سمیر محۆ جمیل” هاریکارێ سەرۆکێ زانکۆیێ بۆ کارۆبارێن کارگیری و دارایی، پێشوازیەکا گەرم ل شاندەکێ کونسوڵخانەیا گشتی یا هۆڵەندا ل هەولێرێ کر.
شاندێ میهڤان یێ کونسوڵخانەیا هۆڵەندا پێک هاتبوو ژ:
بەڕێز ئادریان ئیجسلشتاین، کونسوڵی گشتی یێ هۆڵەندا ل هەولێر.
خاتوو سیسکا دی ڤێڵد، ڕاوێژکارا سیاسی ل کونسوڵخانەیا هۆڵەندا.
بەڕێز هۆشەنگ کانەبی، ڕاوێژکارێ کشتوکاڵی ل کونسوڵخانەیا هۆڵەندا.

ل دەستپێکا دیدارێ، سەرۆکێ زانکۆیێ بخێرهاتا کونسوڵی گشتی و شاندێ دگەل دا کر، و هەروەسا لۆگۆیێ زانکۆیێ وەک دیاری پێشکێشی شاندێ ناڤبری کر.

د بەشەکێ دی یێ سەردانێ دا، کونسوڵی گشتی، ب یاوەریا “پ.ھ.د.عادل علی حسن” ڕێڤەبەرێ پەیوەندیان ل سەرۆکاتییا زانکۆیێ، دگەل هەژمارەکا قوتابیێن زانکۆیا ئاکرێ کۆمبوو و گەنگەشەیەکا بەرفرەهـ هاتەکرن لسەر چەند بابەتێن گرنگ، ب تایبەتی:

• پێشڤەبرنا کەرتێ چاندنێ: گرنگییا تەکنۆلۆژیا نووی و شێوازێن زانستی بۆ پێشڤەبرنا بەرهەمێ کشتوکاڵی ل دەڤەرێ.
• بابەتێن ئەکادیمی: ڕێکێن پتر بۆ بجهئینانا پرۆگرامێن ئەکادیمی یێن هەڤچەرخ و بلندکرنا ئاستێ زانستی یێ قوتابیان.
• گوهرینا هزرێن زانستی: دەرخستنا دەلیڤەیێن هەڤکاریا زانستی و گوهرینا ئەزموون و هزران د ناڤبەرا زانکۆیا ئاکرێ و زانکۆ و ئینستیتۆیێن هۆڵەندی دا.

ل دوماهیێ کونسولگەرێ هولەندی خوشحالیاخو دیارکر : سۆپاسیا زانکۆیا ئاکرێ و قوتابیان کر، و ئەڤ دیدارا هەڤبەش ب گرنگ زانی ب تایبەتی د بوارێن کەرتێن ئەکادیمی و چاندنێ دا.