د بەردەوامیا کار و چالاکیێن سەروکاتیا زانکۆیا ئاکرێ بۆ پەرەپێدانا پەیوەندیێن زانستی و ئەکادیمی، ئەڤرۆ رۆژا سێشەمبی رێکەفتی (2026/2/3)، ل سەروکاتیا زانکۆیا ئاکرێ، یاداشتنامەکا لێکتێگەهشتنێ د ناڤبەرا زانکۆیا ئاکرێ و زانکۆیا تیشک یا نێڤدەولەتی دا هاتە ئیمزاکرن.
ئەڤ رێورەسمە ب ئامادەبوونا بەڕێز “پ.د. منهل الهام عبدال” سەروکێ زانکۆیا ئاکرێ، و بەڕێز “پ.د. ئیدریس هادی سالح” ئەمیندارێ زانکۆیا تیشک ل هەولێرێ، و بەڕێز “پ.د. سوڵتان ئەبو-عەرابی”سەروکێ زانکۆیا تیشک، و ب حازربوونا هاریکارێن سەروکێ زانکۆیا ئاکرێ، و رێڤەبەرێ پەیوەندیێن زانکۆیێ ب برێڤە چوو.
ئارمانج ژ ئیمزاکرنا ڤێ یاداشتنامێ، بهێزکرنا هەماهەنگیێن زانستی، گۆهۆرینا شارەزایێن ئەکادیمی، و ئەنجامدانا پڕۆژە و کۆنفرانسێن هەڤپشکە د ناڤبەرا هەردوو زانکۆیان دا.
د پشکەکا دی یا رێورەسمان دا، فێچەرەک (Presentation) ب رێکا پاوەرپۆینتی ژ لایێ هەردوو زانکۆیان ڤە هاتە پێشکێشکرن، کو تێدا ب هووری تیشک خرایە سەر مێژوو، کار و چالاکی و دەستکەفتێن زانستی یێن هەردوو زانکۆیان، ب مەرەما پتر ناساندن و شیانێن ئەکادیمی یێن هەردوو زانکۆیان
هەر وەسا ئەڤ پێنگاڤە دێ بیتە ئەگەرێ بلندکرنا ئاستێ زانستی یێ قوتابی و مامۆستایان و خزمەتکرنا پتر یا پرۆسەیا خویندنا بلند ل زانکۆیا مە.
